Gina-welcome ni Former Mayor Leodegario “Jun” Labao ang pagkontra sa iya ni Board Member Elmer Arevalo sa pagka-alkalde sa banwa sang Mambusao.
Sa interview sang Bombo Radyo kay Labao nga madamo sang mga programa sa Mambusao nga napatuman nga nakabulig sa mga pumuluyo kag ginkontra sini ang pahayag ni Arevalo nga madamu sang nagareklamo sa ila administrasyon.
Samtang, nagapati ini nga ang yara sa likod sang pagpadalagan ni Arevalo amo si Capiz Governor Fredenel Castro kag indi ang mga pumuluyo sang Mambusao.
Dugang pa ni Labao, wala gid sang nahimu si Arevalo sa ila nga banwa, sa duha sini ka termino nga nangin board member kag pagpungko sang una bilang SB member kag bise alkalde sa ila munisipyo.
Ginapakamaayo naman sini nga itugyan na lamang sa mga pumuluyo sang Mambusao kun sin-o sa ila nga duha ni Arevalo ang pilion nga magadaog bilang alkalde sa palaabuton nga eleksyon.
