Ginmando sang Sandiganbayan Special Third Division subong nga adlaw ang temporaryo nga pag-detain sa anay senador nga si Ramon “Bong” Revilla Jr. sa Quezon City Jail Male Dormitory.
Ini kasunod sang mga kaso nga malversation nga ginpasaka sang Office of the Ombudsman batuk kay Revilla kag sa anum ka iban pa nga mga persona.
Ang kaso may kaangtanan sa ginapatihan nga P92.8 million nga “ghost” flood control project sa Pandi, Bulacan.
Suno kay Sandiganbayan Associate Justice Karl Miranda, ginbasehan sang korte ang sulat ni PNP Acting Chief Jose Nartatez Jr. nga nagpaandam nga indi na magpadayon ang PNP Custodial Center sa Camp Crame nga magbutang sang mga detainees.
Ang PNP Custodial Center ang isa ka pasilidad sa diin ginapreso ang mga ginapahayag terorista, mga suspek nga posible makapalagyo kag mga akusado nga may mabug-at nga krimen.
Bangod diri, ginatan-aw sang PNP nga mabug-at para sa ila ang pag-detain sang high-risk nga indibidwal kaangay ni Revilla tungod sa dugang nga gasto kag kinahanglanon nga manpower.
