Ginaberipikar pa sang National Bureau of Investigation (NBI) ang isa ka report nga nagasiling nga nakita kuno si Senador Ronald “Bato” Dela Rosa nga nagsakay sa isa ka yate pakadto sa isa ka probinsiya samtang padayon ang pagpangita sa iya sang mga awtoridad. Wala pa sa sini sang kumpirmasyon ang NBI kag ginapaidalom pa nila sa masunod nga imbestigasyon ang nasambit nga impormasyon.
Suno sa NBI, importante nga mapamatud-an anay ang kredibilidad sang report antes sila maghimo sang ano man nga konklusyon ukon tikang. Padayon man ang ila operasyon kag pagkuha sang impormasyon agud matultulan ang eksakto nga ginatineran sang senador nga ginapangita may kaangtanan sa ICC arrest warrant nga ginapatuman sang mga awtoridad.
Samtang nagapadayon ang pagpangita kay Dela Rosa, ginpahayag sang NBI nga ila ginatipon ang tanan nga posible nga impormasyon kag mga lead nga makabulig sa ila imbestigasyon. Wala pa sang opisyal nga kumpirmasyon kon matuod gid nga nakita ang senador sa amo nga yate ukon kon diin ini nagkadto
