Isa na ka bagyo ang ginabantayan nga Low Pressure Area nga yara sa guha sang pungsod kag ginatawag ini bilang bagyong “Kristine”.
Suno sa Philippine Atmospheric, Geophysical, and Astronomical Services Administration (PAGASA), nga ang sentro sang bagyo ang yara sa 1,255 kilometer sang sidlangan sang southeastern Luzon.
May kabaskugon ini nga hangin nga naglab-ot sa 55 kilometer per hour kag pagbugso sang tubtob 70 kilometer per hour.
Magadala ini sang lapnagon nga pag-ulan sa Southeastern Luzon.
Sa paghayag sang PAGASA nga mahimo sa 985-kilometer na sang East sang Southeastern Luzon kag sa sulod sang 24 oras , 780-kilometer na ini sa sidlangan sang Virac, Catanduanes.
Padayon naman ang panawagan sang PAGASA nga ginabawal sa gihapon ang pagbyahe sa mga kadagatan bangud sa nasambit nga dala sang hangin kag ulan sang bagyo.
