ROXAS CITY – Arestado ang ginakabig top 1 most wanted person sa probinsya sang Capiz matapos ginserbihan sang mandamiento de aresto sang mga kapulisan sa Barangay Matagnop, banwa sang Dao.
Ginkilala ang akusado kay Elmer Venus, 42-anyos, residente sang nasambit nga lugar.
Nagapangatubang sa kaso nga 2 counts of rape kag 2 counts sa paglapas sa RA 7610 ukon “Special Protection of Children Against Abuse, Exploitation and Discrimination Act” si Venus.
Ang warrant of arrest ang ginpirmahan kag ginpapanaug ni Hon. Faustino Roxas Jr, RTC Branch 14, Roxas City napetsahan Oktubre 14, 2022.
Wala sang ginrekomendar nga piyansa ang korte para sa kaso nga rape samtang P200,000 naman para sa paglapas sa RA 7610.
Sa karon, yara na ini sa paghinakup sang Dao MPS para sa nagakaigo nga disposisyon.
