Ginang, nagparekord sa pulisya matapos ginpahog sang hubog

ROXAS CITY – Nagparekord sa Roxas City Police Station ang isa ka ginang matapos ginaalegar ginpahog sang isa ka persona sa Barangay Banica, Roxas City.

Ang tagreklamo ang ginkilala nga si Nelyn Francisco, 36 anyos kag residente sang nasambit man nga lugar.

Sandig sa ginparekord sang ginang, yara sa idalom sang impluwensiya sang makahulubog nga ilimnon ang suspek nga si Danilo Ecaran sang nagpalapit ini sa iya.

Diri kag ginaalegar ginpahog siya sini nga isugid sa iya bana nga may nagakatabo sa ila nga duha.

Nakabatyag pa sang kakulba ang ginang sang nakit-an nga may bitbit nga kustilyo ang nasambit nga persona.

Bangud sa pagkahangawa, ginpakamaayo sang ginang nga ipabalhag sa pulisya ang natabo.