Roxas City – Nagaproblema sa karon si punong barangay Arturo Aragon angut sa wala pa matapos nga karsada sa Barangay Cagay, Roxas City.
Suno kay Punong barangay Aragon nga ginapabayaan lamang sang City Engineering Office ang proyekto nga pagpakaayo sang karsada sa nasambit nga barangay.
Bangud diri ginpalab-ot nila sa opisina sang City Engineering Office sa pagpamuno ni Engr. Rosano Anisco ang madugay na nila nga problema bangud tobtob sa karon wala sa gihapon ini mahatagan sang aksyon.
Ginpahayag ni Aragon nga dako nga perwisyo ang natuga sang gubaon nga karsada sa mga motorista sa tion sang tig-ululan.
Nagapanawagan naman si Aragon sa lokal nga gobyerno sang siyudad nga mahatagan sang aksyon ang problema sang ila barangay.
Mahibaluan nga naglab-ot sa kapin 10 milyones pesos ang pondo para sa pagpakaayo sang nasambit nga proyekto.
