ROXAS CITY-Nagapabilin ang ginapatuman nga lockdown ang Sitio Kagitingan, Barangay Cagay, Roxas City sa pihak nga wala na nadugangan pa ang mga nagpositibo sa COVID-19.
Ini ang ginpahayag ni Punong Barangay Arturo Aragon Sr sang mainterview sang Bombo Radyo.
Ginpahayag ni Aragon nga sa pihak nga nag-ayo na sa balatian ang 7 sa 9 ka mga nagpositibo sa COVID-19 sa nasambit nga lugar, magapabilin sa guihapon ang lockdown sa nasambit nga sitio sa sulod sang isa ka semana.
Suno kay Aragon nga nagapadayon sa guihapon ang pagbantay sang mga barangay officials agud malikawan ang paglapta sang virus.
Gindugang pa ni Aragon nga ang mag-asawa nga nagpositibo sa nasambit nga balatian ang wala pa nag-ayo kag nagapabilin sa Hortus Botanicus sa Barangay Milibili sining siyudad.
Matandaan nga ginpaidalom sa lockdown ang nasambit nga lugar matapos nga nagpositibo sa COVID-19 ang 9 tanan ka mga indibidwal kun sa diin 7 diri ang lunsay magpamilya.
