Gobyerno, dako ang lugi sa wala nakolekta nga excise tax

Binilyon nga mga excise tax collection ang wala nakukulekta sang gobyerno bangud sa iligal nga baligyaanay sang mga sigarilyo kag vapes.

Ginkumpirmar sang Bureau of Internal Revenue (BIR) matapos nga naghinay ang koleksyon sang excise tax sang gobyerno.

Ginpahayag ni Dondanon Galera sang Excise Large Taxpayers Service Office sang BIR, nga nagbalhin na sa paggamit sang vape ang mga anay nagasigarilyo.

Ginkumparar sini ang excise tax koleksyon sang 2021 nga may yara sang P176.48-B kag ini ang nagnubo sang P134-B sang 2024.

Nagpakig-angut naman ang mga ini sa mga nagkalain-lain nga ahensiya para tayuyon nga matapna ang illegal nga baligyaanay sang vape ila na sa online.