Grade 11 student arestado sa kaso nga theft

ROXAS CITY – Karsel sang Panitan Municipal Police Station ang gindangatan sang isa ka Grade 11 student matapos nga ginserbihan sang warrant of arrest sang mga kapulisan sa Barangay Tabuc Norte, Panitan, Capiz.

Ginkilala ang nadakpan nga si Paul Jeston Ferrer, 20 anyos sang nasambit man nga lugar.

Nagapangatubang ang suspek sang panumbungon nga Theft sa diin ginrekomendar sang korte ang P10,000 nga piyansa para sa iya temporaryo nga kahilwayan.

Ang nasambit nga warrant of arrest gin-isyu kag ginpirmahan ni Hon. Judge Socorro Rapiz sang Municipal Trial Court – Panitan napetsahan Pebrero 21, 2020.