Granada nakit-an sa kanipaan

ROXAS CITY – Isa ka granada ang nasapwan sa kanipaan sa Ellieta St., Barangay Banica, Roxas City.

Nakita sang mga kaupdanan ni Ricky Apruebo nga nagahakot sang lapok ang apple-type hand grenade nga nasulod sa itum nga bag nga nalubong sa lapok.

Nagdumdum ang mga trabahador nga kuwarta na ang unod sang bag bangud mabug-at ini.

Apang nakibot na lamang sila sang makita nga granada ang uno sang bag.

Gilayon naman nga nagpangayo sang bulig sa mga pulis ang grupo ni Apruebo.

Sa karon yara na sa kostodiya sang Firearms Explosives Security Agencies and Guard Supervision ukon FESAGS Division sang Capiz Police Provincial Office ang nasambit nga granada.