ROXAS CITY -Isa ka concerned nga tricycle driver ang nagdul-ong sa Roxas City Police Station sang isa ka Guest Relation Officer (GRO) nga nakita sini nga nagahilibion kag nagaki-ang ki-ang nga nagalakat sa plaza kaina sang kaaganhon.
Nakilala ang GRO nga si Sandra Elardo 18-anyos sang Mansilingan, Bacolod City kag nagatrabaho sa isa ka KTV bar sa Legaspi St., sining syudad.
Suno kay Elardo, nag-ugat ang insedente sa indi pagbayad sang kostomer nga iya ginasukot, apang hinali nga nagpasilabot ang kaupod nga GRO nga si certain May nga yara sa impluwensiya sang makahulubog nga ilimnon.
Ginapanindugan ni Elardo nga kinahanglan nga magbayad sang iya kostomer, bangud kun mapaslawan ini siya ang magabayad sa mga gin-inum sini.
Naglain pa ang buot ni Elardo bangud gindumog pa siya ni May kag ginkagat rason nga nagga-ub ang iya nawala nga kamot.
Nakaangkon man ini sang pilas sa tiil bangud sa ila nga pagdumugay ni May nakatapak ini sang buka nga botelya sang ilimnon
Nahibaluan nga nagabusong ang GRO nga si Elardo.
