Ginkumpirma sang Commission on Elections nga igapaguha nila subong nga semana ang mga guidelines sa pagfile sang Certificate of Candidacy kag Certificate of Nomination and acceptance para sa nagahilapit nga 2025 midterm election.
Suno kay Commission on Elections spokesperson John Rex Laudiangco, kalakip sa ila igapaguha nga guidelines ang para sa mga magapsakop sa party-list system of representation.
Magasugod ang pagfile sang Certificate of Candidacy para sa mga magapadalagan sa May 2025 midterm polls ang sa maabot nga October 1 tubtob 8 sa subong nga tuig.
Pag-eksplekar pa sang tagpamaba sang Comelec nga kalakip sa mga bag o nga guidelines sa idalum sang Comelec resolution ang pagbawal sang substitution sang mga kandidato pagkatapos sang ulihi nga adlaw sang filing period.
Samtang, ginpahayag ni poll chief Erwin Garcia nga kalakip man sa guidelines ang mga aspirants nga nagpasugot sa Comelec nga mag-post sang ila nga CoCs sa poll body website.
