Halit sang Habagat kag mga bagyo sang damlag lang nagbilin sang P1.91 billion nga pagkalugi sa sector sang agrikultura

Nagalab-ot sa P1.91 billion ang kabug-usan nga kahalitan sa sektor sang agrikultura bangud sa epekto sang enhanced Southwest Monsoon ukon Habagat kag sang mga bagyo nga Luis, Maymay, kag Neneng.

Base sa datos sang Department of Agriculture, walo ka mga rehiyon ang apektado nga amo ang: Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, kag Western Visayas.

Kapin 61,237 naman ka mga mangunguma nga may kabug-usan nga 54,611 ka ektarya ang apektado.

Samtang naglab-ot sa 7,772 metric tons sang mga produkto sa agrikultura ang na-apektuhan bangud sang mga kalamidad.