Ginpapanaog sa pwesto ang hepe sang Roxas City Police Station sa probinsya sang Capiz.
Ang hepe amu si Police Lieutenant Colonel Lumyaen Lidawan.
Sa interview sang Bombo Radyo kay Police Colonel Albert D. Tapulao, Provincial Director sang Capiz Police Provincial Office, ginpahayag nga ang mandu ang nagikan sa National Headquarters sang Philippine National Police pinaagi sa Police Regional Office 6.
Dugang pa sini, nga sa karon, ang magapungko bilang Officer In Charge sang Roxas Component City Police Station amu si Police Lieutenant Colonel Ricardo Jumuad nga Commander sang 1st Capiz Provincial Mobile Force Company.
Nahibaluan nga si Police Lieutenant Colonel Lumyaen Lidawan naman ang magapungko bilang bag-o nga commander sang 1st Capiz Provincial Mobile Force Company.
Suno naman kay Police Colonel Tapulao, nangin maayo naman ang performance sang anay hepe sang Roxas City Police Station.
