Ginbuyagyag ni Senadora Risa Hontiveros sa Senate hearing Subcommittee on Justice and Human Rights nga peke ang Sabah stamp sa pasaporte ni Shiela Leal Guo.
Suno kay Hontiveros, nahibaluan nila sa mga abyan sa Sabah, Malaysia nga wala sang “legal entry” si Shiela sa Sabah.
Dugang pa ni Hontiveros, suno sa credible source sang komite, nag-abot sila sa Kuala Lumpur, Malaysia sadtong Hulyo 18.
Suno sa nakalap nga impormasyon ni Hontiveros nagikan sa Democratic Action Party, sister party sang Akbayan sa Malaysia, peke ang stamp nanday Shiela sa Sabah.
Bag-o pa ini, nahibaluan man nga naghalin danay sa Bali, Indonesia sanday Shiela bagay nga wala sang makita nga record tubtob sa karon.
Padayon naman nga ginpahayag ni Shiela Guo ang iya nauna nga istorya nga halin sa Pilipinas nagbangka kag barko sila sang pila ka adlaw bag-o naka-abot sang Sabah antes sila nagpa-Malaysia.
