-- ADVERTISEMENT --
Nagapawagan si Pres. Ferdinand Marcos Jr. sa mga lider sang states of the Association of Southeast Asian Nations ASEAN nga magbinuligay agud masolusyunan ang epekto sang nagapadayon nga tensyon sa Middle East.
Sa pagbukas sang ika-48th nga ASEAN Summit, ginpahayag sang Presidente nga dako nga pagpanghangkat subong ang sitwasyon sa Middle East bangud nagaapekto ini sa ekonomiya, seguridad kag pangabuhi sang mga pumuluyo sa rehiyon.
Suno kay Marcos, kinahanglan nga mag-isa kag magbinuligay ang mga pungsod sang ASEAN agud makita ang pinakaepektibo nga pamaagi sa pagsabat sa mga krisis.
Ginpahayag man sini ang mas hugot nga kooperasyon sa tunga sang mga miyembro sang ASEAN agud mangin preparado sa posible pa nga mga problema sa palaabuton.
