Hostile Witness Gina Acosta, nag-ako nga paggastos sang confidential fund ang nakabasi sa instruction ni former VP SPG Commander Col. Raymund Dante Lachica

Kasunod sang pamangkot ni Private Prosecution Counsel Atty. Amando Ligutan tuhoy sa accountability sang iya posisyon, ginklaro ni former OVP Special Disbursing Officer Gina Acosta nga bisan siya ang nagpreparar sang physical kag financial plans, ang iya mga ginhimo nakadepende sa derektiba ni Colonel Raymund Dante Lachica, anay commander sang VPSPG.

Suno kay Acosta, si Lachica ang eksperto kag mas nakahangop sa mga kinahanglanon kag gastos sa nagkalainlain nga confidential operations.

Gani, panindugan ni Acosta nga nagsunod lamang siya sa instruction kag dereksyon ni Lachica sa paggamit kag pagtalana sang confidential funds sang Bise Presidente.