Nagpaandam ang House prosecutor batok sa nagalala nga “culture of threats” kag ginpanindugan nga ang mga opisyal sang gobyerno dapat magpakita sang maayo nga halimbawa paagi sa ila mga pulong kag mga buhat.
Suno kay Bicol Saro Party-list Rep. Terry Ridon, ang kaso nga impeachment batok kay Vice President Sara Duterte ang nagatuyo nga masabat ang mga ginaalegar pamahog nga ginhimo batok kay President Ferdinand Marcos Jr., First Lady Liza Araneta-Marcos, kag former House Speaker Martin Romualdez.
Ini ang nangin pahayag ni Ridon matapos ginpamangkot tuhoy sa ginaalegar pamahog nga ginhimo batok sa iya sang isa ka konsehal sa social media.
Ginhatagan pagtamod ni Ridon ang importansya sang mga opisyal nga maghulag sang responsable, bangud ang ila mga suporta naimpluwensyahan kag ginailog sang ila pamatasan kag panghambal.
