House Speaker Ferdinand Martin Romualdez, mangin Commencement speaker sa graduation sang CAPSU

ROXAS CITY- Mangin Commencement speaker sa graduation ceremony sang Capiz State University (CAPSU) si House Speaker Ferdinand Martin Romualdez.

Patigayunon ang 21^st Commencement Exercises sang CAPSU sa Myerkules, Hunyo 18, las 8:00 sa aga.

Mangin venue sang nasambit nga kahiwatan ang Capiz Gymnasium, Villareal Stadium sa Roxas City.

Nahibaluan nga ini ang pinakauna nga kahigayunan nga mangin dinapit nga bisita si Romualdez sa kahiwatan sa CAPSU.

Nagadangat naman sang masobra 5,000 ka mga estudyante sang CAPSU ang ma-graduate subong nga tuig.

Tema sa kahiwatan amo ang “One CAPSU: Working Together, Going Stronger, Reaching Higher.”