Ginsiling ni House Speaker Martin Romualdez nga wala nila ginasako ang Senado sa impeachment batuk kay Vice President Sara Duterte, kag ginatugyan na lamang niya suno diri sa mga senador ang desisyon.
Matandaan nga sadtong Miyerkules, Pebrero 5, sang mapasaka na sa Senado ang impeachment complaint batuk kay Duterte matapos ma-aprubahan sang House of Representatives pinaagi sa masobra 215 nga pirma sang mga mamalidha, kaupod na ni Romualdez.
Kaangut sini, ginsiling ni Senate President Chiz Escudero nga indi mahimo nga sakuon ang Senado sa pagpatigayon sang impeachment trial.
Suno kay Escudero, sa bulan sang Hunyo pa magasugod ang Senado sa nasambit nga impeachment sang bise presidente.
Sa impeachment trial, nagakinahanglan sang two-thirds nga boto, ukon 16 sa 24 nga mga senador, agud dalayon nga mapahalin si Duterte sa puwesto.
