SIGMA, CAPIZ- Ginpa-bombo ang humps sa karsada sa Barangay Mianay, Sigma, Capiz.
Sa interview sang Bombo Radyo kay Mrs. Regina Espada Fancubilla, ang nasambit nga tagreklamo, iya ginpahayag nga ila ginkakugmat sang iya nga asawa ang hinali nga pagtumbo sang ila nga salakyan samtang ginasubay ang amo nga karsadahon.
Dugang pa niya, kaangay nga indi maayo para sa iya nga butangan sang tuman ka taas ang amo nga humps, bangud suno sa iya, peligroso ini. Normal lang suno sa iya ang humps apang ang ila sini nga nalabayan tuman ka taas para sa ila.
Nahibaluan nga ang amo nga karsadahon ang wala sang kun ano man nga road signages ukon warning agud mangin aware ang mga motorista.
Panawagan sini sa mga natungdan, partikular ang Department of Public Works and Highways nga kuntani hatagan sang gilayon nga aksyon agud nga wala sang may kun ano man nga insidente ang posible nga magluntad sa amo nga karsadahon.
Nagapasalamat naman si Mrs. Regina nga wala magbaliskad ang ila ginasakyan nga salakyan kag nagpahunumdom man ini sa mga motorista nga maghalong gid sa tagsa ka pagpanglakaton sa palibot ilabi na kun indi pamilyar sa mga karsadahon.
Interviewed by Bombo Jessa Mae De Los Santos
