Ginpabaskog sang mga judges sang International Criminal Court (ICC) Appeals Chamber ang desisyon sang Pre-Trial Chamber nga dapat magpabilin sa prisuhan si Former President Rodrigo Duterte.
Suno sa ICC, ginbasura sang Appeals Chambers ang tanan nga argumento kag grounds of appeals sang mga abogado ni Duterte.
Nakakuha naman sang unanimous voting ang five-person Appeals Chamber agud ibasura ang pangabay sang depensa sa Pre-Trial Chamber.
Sa isa ka pahayag, napaslawan ang Defense nga matumod ang mga sala sang Pre-Trial Chamber nga ginbasehan sang Panel of Experts sa paghatag sang pinakaulihi nga update sa ikaayong lawas ni Duterte.
Ginkonsidera man sang panel of experts ang duha ka report sa kondisyon sang ikaayong lawas sang anay presidente nga ginhanda sang mga medical practitioners kag ginpili sang defence team.
Matandaan nga humalin pa sang Marso 12, 2025, naka-detain sa ICC sa The Hague, Hauge sa kaso nga war against humanity sa iya kampanya batok sa iligal nga droga humalin sang panahon niya bilang alkalde sang Davao City tubtob nangin Presidente siya sang Pilipinas.
