Ginbasura sang International Criminal Court (ICC) ang petisyon sang kampo ni anay Presidente Rodrigo Duterte angut sa hurisdiksyon sang korte.
Base sa desisyon sang ICC Pre-Trial Chamber nga ginpagwa sang Oktubre 23, ginpanindugan nila nga otorisado sila nga padayunon ang kaso batok sa anay presidente bangud sa crimes against humanity.
Dugang pa sini, masarangan nila nga tubanagon ang kaso bisan pa sa Pilipinas natabo ang krimen.
Ginabsura man sang korte ang pangabaysangb depensa nga i-postpone ang pag-issue sang desisyon.
Buot silingon, magapadayon ang prosecution sang kaso sa The Hague, Netherlands.
Matandaan nga nadakpan si Duterte sang Marso 11 bangud sa hingyo sang ICC bilang kabahin sang imbestigasyon sa “war on drugs” sang siya pa ang presidente samng Pilipinas.
Lakip man nga ginbasura sang ICC Pre-Trial Chamber ang request sang defense team para sa interim release sa anay presidente.
