Ginpahanugutan na sang International Criminal Court (ICC) ang 500 ka mga aplikante nga biktima sang crimes against humanity nga magpartisipar sa hearing batok kay Former President Rodrigo Duterte.
Sa lima ka pahina nga desisyon nga ginpaguwa sang Pre-Trial Chamber 1, natapos na nila ang findings sang Victims Participation and Reparation Section (VPRS) sang assessment para sa 227 ka mga application para sa 500 ka mga indibidwal.
Wala sang may nakita nga problema ang Victims Participation and Reparation Section (VPRS) sa ila assessment, gani gin-authorize nila ang 500 ka mga aplikante sang Group A nga magpartisipar bilang mga biktima sa hearing.
Igarepresentar man sila sang Common Legal Representative for Victims, nga una na nga nagrepresentar sa nauna nga mga biktima.
Una na nga naghingyo ang Chamber sang Enero 28, 2026 nga handa sila sa pagbaton sang dugang nga mga biktima.
Matandaan, nagapangatubang sang kaso nga crimes against humanity ang anay president sa ICC bangud sa natabo nga murder kag attempted murder, may kaangtanan sa iya kampanya sa iligal nga droga sang siya pa ang alkalde sang Davao City tubtub nga nangin presidente sang pungsod Pilipinas.
