May puder sa gihapon International Criminal Court (ICC) msa pagpadayon sang imbestigasyon kag pagpangamot sa kaso ni former President Rodrigo Duterte, apisar nagtiwalag na ang Pilipinas sa Rome Statute sang tuig 2019.
Sa interview sang Bombo Radyo kay Atty. Rodel Taton, Alumni sang the Hague Academy of International Law, iya ginpahayag niya nga posible gihapon mahatagan sang interim release ang former president, apang ini ang matabo lang kun mapamatud-an nga indi ini magpalagyo, indi makadugang sang kabudlay sa proseso sang kaso, kag indi makahatag kahadlok sa publiko ukon sa witness.
Suno pa kay Atty. Taton, ang International Criminal Court rules nagatugot lamang sang pag-apruba sang interim release kun klaro ang garantiya nga mapreserba ang ebidensya kag indi pag-gamuhon ang imbestigasyon, kun sa diin limitado ang hulag sang akusado bangud may travel ban, scheduled reporting, electronic monitoring, kag strict nga pagbawal sa pagdisturbo sa mga witness.
Pahayag pa niya, apisar tugutan pa ang interim release, magapadayon gihapon ang kaso kag yara ang posibilidad nga magabalik ini sa detention kun may paglapas sa kondisyon, kag kon indi man masugtan ang release, pwede pa gihapon mag-file sang motion for reconsideration ukon magpresentar sang bag-o nga ebidensya.
Samtang , nahibaluan nga ang hurisdiksiyon sang International Criminal Court nagasandig sa mga krimen nga natabo halin sa tion nga parte pa ang Pilipinas sang Rome Statute, nga amo man ang tion sang pag-akusar sang pa,ilya sang mga biktima sang crime against humanity, rason nga ang withdrawal sang Pilipinas wala nagresulta sang automatic termination ukon pagkansela sang imbestigasyon.
Dugang pa sang natungdan, ang masunod nga hearing nga pagahiwaton ang tion nga posible pagabasahan na ang akusado kun bala guilty ini ukon indi.
Interviewed by: Bombo Chris Jan Lozada via Zona Libre
