Isa ka lapnagon nga problema sang Overseas Filipino Worker ang isyu sang illegal recruitment.
Sa interview sang Bombo Radyo kay Atty. Roman Almalbis, Vice President sang Integrated Bar of The Philippines – Capiz Chapter, iya ginpahayag nga ang illegal recruitment amo ang pagpangganyat sang isa ka tawo ukon organisasyon sa pagproseso sang mga papeles nga wala sang nagakaigo nga permit.
Suno kay Atty. Almalbis,madamu man sang nagalapta nga mga unverified website sa social media nga naga-offer sang trabaho abroad kag too good to be true nga mga benefits.
Pahayag pa niya, ang madakpan nga nagapatigayon sang illegal recruitment ang may penalidad nga pagkapreso sang 12 tubtob 20 ka tuig.
Nagapanawagan man ang natungdan nga kun indi kumbinsido sa gina-applyan nga agency, ang magpadulong sa opisina sang Department of Migrant Worker ukon sa talatapan sang Integrated Bar of the Philippines agud nga mahatagan sang legal advice.
