ROXAS CITY – Nagdangop sa Bombo Radyo ang iloy sang isa ka Overseas Filipino Worker (OFW) nga nagatrabaho sa Jordan agud ma-rescue ang iya nga anak.
Sa interview sang Bombo Radyo kay Venus Alcones sang Barangay Dumulog, Roxas City, ginpahayag sini nga luyag na sang iya anak nga si Milagrosa Alcones nga makapauli sa pungsod bangud sa indi ensakto nga ginahimo sa iya sang iya nga employer.
Ginpahayag sini nga sang ulihi niya makahinala ang anak, ginpahayag ni Milagrosa nga ginadalukan siya sang pagkaon sang iya amo kag gustuhon man sini nga maguha, indi man niya mahimo bangud wala siya ginapahanugutan.
Magluwas pa diri suno sa iya, indi naman masarangan sang iya anak ang demand sang trabaho sang iya employer.
Bangud diri, nagdangop na man sa lokal nga gobyerno sang Capiz ang ginang agud ma-rescue ang iya anak.
Mahibaluan nga nagatrabaho bilang domestic helper si Milagrosa kag ini na ang iya ikatatlo nga employer.
