Ginkaliwan sang mga netizens ang isa ka lalaki nga nagpaidalom sa kaangay nga workout routine sang character nga si Saitama gikan sa isa ka sikat nga anime nga One Punch Man, sa sulod sang tatlo ka tuig.
Si Tasuke, nga nag-umpisa sang fitness challenge sang 2023 sa edad nga 41-anyos, nagahimo adlaw-adlaw sang 100 push-ups, 100 sit-ups, 100 squats, kag 10 km nga pagdalagan sa sulod sang 1,096 ka adlaw.
Bangud sini, nag-ayo gid ang iya lawas humalin sa isa ka simple nga office worker pakadto sa may “toned” nga lawas, may six-pack abs, kag mas mabaskog nga endurance.
Sa kabug-usan, nakadalagan na siya sang sobra 16,000 kilometers kag nakakompleto sang masobra 109,000 ka repetitions sang kada ehersisyo.
Apang, nagapahanumdom ang mga eksperto nga ang sobra ka intense nga workout mahimo magresulta sa injury kun indi preparado ang lawas.
