Kamara, aprubado ang National Volunteer Month kag National Volunteer Day sa bulan sang Disyembre

Aprobahan na sang House of Representatives of the Philippines sa ikatlo kag katapusan nga pagbasa ang House Bill No. 4706 nga nagadeklarar sa Disyembre bilang National Volunteer Month kag Disyembre 5 bilang National Volunteer Day.

Katuyuan sang bill ang mapauswag kag mapabakod ang kultura sang volunteerism sa pungsod.

Sa boto nga 263 pabor kag isa ka abstention, nakalusot sa hana sa pagpamuno nanday House Speaker Faustino “Bojie” Dy III kag House Majority Leader Ferdinand Alexander “Sandro” Marcos.

Gin-amyendahan sini ang Republic Act No. 9418 ukon Volunteer Act of 2007 kag ginmanduan ang Philippine National Volunteer Service Coordinating Agency nga manguna sa mga aktibidad sa kada selebrasyon.