Nagapabilin nga bukas ang imbitasyon sang House Committee on Justice kay Vice President Sara Duterte nga magtambong sa hearing sa Abril 22, 2026, suno kay Gerville Luistro.
Katuyuan sang committee nga mabatian ang bahin sang Bise Presidente angut sa mga alegasyon sang “unexplained wealth” kag pag-usisa sang iya Statements of Assets, Liabilities, and Net Worth (SALN) sa nagligad nga mga hearing, gintalakay ang ginapahayag indi husto nga paggamit sang P612.5 milyon nga confidential funds kag mga alegasyon sang bribery.
Ginalauman man nga magsumiter sang bank records ang Anti-Money Laundering Council, samtang magahatag man sang mga dokumento ang Office of the Ombudsman, Securities and Exchange Commission kag Bureau of Internal Revenue agud beripikahon ang mga report nahanungod sa manggad sang Bise Presidente.
Ginpahayag man ni Rep. Luistro nga importante ang presensya ni VP Duterte sa masunod nga hearing agud maklarohan ang publiko sa mga alegasyon nga nagaapekto sa kredibilidad sang gobyerno.
Dugang pa niya, bukas ang committee sa bisan ano nga sabat ukon pagpanghangkat sang Bise Presidente agud masiguro ang patas kag transparent nga imbestigasyon.
