Ginalauman nga magalawig sang ginabanta tatlo ka bulan ang impeachment trial batok kay VP Sara Duterte kun ini ang magasugod sa Hulyo 6, 2026.
Suno kay lead prosecutor kag Batangas Rep. Gerville “Jinky Bitrics” Luistro, ginabulubanta nga kun padayon ang hearing kag wala sang delay sa proseso, mahimo nga matapos ang trial sa bulan sang Setyembre.
Ginpahayag man sini nga ang Senate impeachment court ang magatalana sang pinal nga schedule sa pre-trial conference sa Hunyo 18, kon sa diin paga-istoryahan ang numero sang trial days kag ang pagpresentar sang mga ebidensya gikan sa magtimbang nga bahin.
Nahibaluan nga ini ang ginbase niya sa forecast sa impeachment trial ni former Chief Justice Renato Corona sang 2012, nga naglawig sang apat ka bulan, gani nagapati siya nga mas madasig ang subong nga kaso.
