-- ADVERTISEMENT --
Posible nga isaylo sa hapon ang impeachment trial ni Vice President Sara Duterte para mas madamo nga Pilipino ang makasubaybay sang live hearing.
Suno kay prosecution spokesperson Atty. Benjamin Tolosa Jr., posible nga maga-umpisa ang trial alas 2:30 sang hapon tubtob alas 7:30 sang gab-i. Antes sini, maga-session ang Senado halin alas 10 sang aga tubtob alas 2 sang hapon.
Suno pa kay Tolosa, mahimo ini nga mapadasig ang hearing bangud indi na kinahanglan utod-utdon ang pagpamatuod sang mga testigo.
Mahimo man nga palawigon ang oras sang hearing kun kinahanglan.
Na-delay ang pila ka hearing sang nagligad nga semana bangud sa malain nga tyempo kag pagbaha sa Metro Manila.
-- ADVERTISEMENT --
