MANILA – Ginkakas na sang Department of Agriculture (DA) ang temporary ban sa pag-import sang processed pork products halin sa South Korea matapos nga nagguwa sa pagpangusisa nga ang mga produkto gikan sa nasambit nga pungsod ang naka-comply sa health standards.
Sa idalom sang Memorandum order 23, gintugutan na ni Agriculture Secretary Francisco Tiu Laurel Jr. ang pagsulod sang mga produkto nga baboy nga nag-agi sa high-level heat treatment — ukon anuman sa Fo value nga tatlo ukon masobra pa sa mga suludlan nga selyado nga indi makasulod ang hangin (hermetically sealed), ukon pagpainit sa sulod sang 30 minutos sa minimum nga 70 degrees Celsius.
Suno sa DA, ginkakas na ang ban kasunod sang findings sang isa ka import risk analysis (IRA) nga may petsa nga Abril 8, 2025, tatlo ka semana makaligad nga ginmandu sini ang importation ban sa domestic cattle sa South Korea sadtong Marso 18.
Gintumod sang DA ang FMD, isa ka malala kag makalalaton nga balatian nga nakaapekto sa mga hinuptanan nga sapat, nga rason sang temporaryo nga ban nga ginpapanaog man sa mga import gikan sa Hungary.
