ROXAS CITY – Nangin sentro sang mensahe ni Vice Governor James “Mitang” Magbanua, ang importansya sang paghiliusa kag pagpalangga sa isigkapareho kadungan sa pagselebrar sang tuigan nga selebrasyon sang ika-126th Independence Day, subong nga adlaw Hunyo 12, 2024.
Ang nasambit nga selebrasyon ang gintambungan nanday Vice Governor James “Mitang” Magbanua agod magrepresentar kay Governor Fredinel H. Castro kaupod ang miyembro sang Sangguniang Panlalawigan, Mayor Ronnie T. Dadivas kaupod ang mga konsehal sang syudad sang Roxas, Chief of Hospitals, Department Heads, Hangaway kag Lin-ay sang Capiz, kag nagkalain-lain nga sektor nagikaln sa lokal nga gobyerno, mga pribado kag publiko nga buluthuan sa probinsya, kag iban pa nga mga organisasyon.
Ginsuguran ang programa pinaagi sa tradisyunal nga flag raising kag wreath laying sa atubang sang Kapitolyo Probinsyal.
Ang Independence Day, isa ka makasaysayan nga selebrasyon kung sa diin ginadumdum ang pagkabaton sang kahilwayan nagikan sa mga dumuluong nga nagsakop sa Pilipinas kung sa diin nagbilin kag nagtatak sa pinsar sang mga Pilipino ang indi maayo nga pagtratar nagikan sa iban nga lahi.
