Inflation rate sa Pilipinas, nagdasig sa bulan sang Enero

Nagdasig sa 2 percent ang inflation rate sang Pilipinas sang Enero kun ipaanggid sa 1.8 percent sang Disyembre 2025.

Suno kay National Statistician Claire Dennis Mapa, ini bangud sa madasig nga pagtaas sang presyo sang kuryente, housing kag gatong.

Pahayag niya, ang inflation rate sang nagligad nga bulan ang mas mahinay pa kun ipaanggid sa 2.9  percent nga narekord sang Enero 2025.

Nahibaluan nga ang target nga inflation sang gobyerno para sa subong kag sa masunod nga tuig amo ang yara sa tunga-tunga sang 2 percent kag 4 percent.