Ginkumpirma sang Iran nga ginpatibusok nila ang pila ka mga aircraft sang Estados Unidos samtang ginpatigayon ang isa ka rescue mission para sa isa ka piloto nga naulamid sa aksidente sa Isfahan, northern Iran.
Suno kay Ebrahim Zolfaqari, spokesperson sang Islamic Revolutionary Guard Corps (IRGC), ginakabig nila nga “complete failure” ang operasyon sang Estados Unidos.
Ginpahayag sang Iran nga duha ka C-130 military transport planes kag duha ka Black Hawk helicopters ang ila nga ginpatibusok. Nagpagwa pa sang mga laragway sang mga nabilin nga wreckage sang American aircraft sa Isfahan.
Sa pihak sini, ginkumpirma ni US President Donald Trump nga naluwas na ang nadula nga airman sang Dominggo, nga ginlaragway niya nga isa ka maisog nga operasyon sa mabukid nga lugar nga kalakip sa mga “pinakadelikado” nga misyon sang Amerika.
