Ginpakamalaut sang Iran ang peace proposal sang Estados Unidos sang Amerika agud tapuson ang kinagamo sa Middle East, nga gintawag sini nga “unrealistic, illogical, kag excessive.”
Kadungan sini, naglunsyar ang Iran sang panibag-o nga missile strikes batuk sa Israel. Labi nga nag-init ang tensyon sa rehiyon matapos nga nag-intra sa kinagamo ang Houthi rebels halin sa Yemen kag ang Hezbollah sa Lebanon, nga lunsay nagpatigayon man sang pag-atake sa Israel.
Bilang sabat, nagpatigayon ang Israel sang airstrikes sa mga target nga imprastraktura militar sa Tehran kag Beirut. Bangud sa nagapadayon nga kinagamo, liwat nga nagtaas ang presyo sang langis sa pangkalibutanon nga merkado, nga nagatuga sang pagkabalaka sa suplay sang enerhiya.
Nagpaandam naman si US President Donald Trump sa Iran nga ipabilin nga bukas ang Strait of Hormuz, isa ka kritikal nga ruta sang oil kag gas shipments, ukon possible nga atubangon ang pag-atake sang US sa mga energy facilities sini.
