Ginpakigbahin sang isa ka flower vendor ang pagpalangga nga wala maguba sa pihak sang pagpanghangkat nga ila naagyan.
Sa interview sang Bombo Radyo kay Louisa Dela Peña, tag-iya sang isa ka flower shop, iya ginpahayag nga ang bulak ang nangin simbolo sang iya nga pagpalanga sa iya asawa sa sulod sang 50 ka tuig kag sang iya 13 ka mga bata.
Suno kay Dela Peña, madamu nga pagpanghangkat ang naagyan sang iya pamilya lakip na ang pagkadula sang ila negosyo kag nagsunod nga pagkapatay sang iya kabataan.
Apang, sa pihak sang mga kasakit kag kasubo, nagpabilin ang himpit nga pagtuo sini sa Ginoo nga amo ang naghatag sang kusog kag kabakod sa iya para pagpadayon.
Pahayag pa niya, daku ang pagpasalamat sini sa tanan nga nagbulig sa iya kag sa iya pamilya agud sa amat-amat matukod liwat ang flower shop nga amo ang ginsuguran sang tanan nila nga handom.
Sa subong, madinalag-on ang negosyo sini nga flowershop sa bahin sang Lapu-lapu street, Roxas City kaupod sini ang iya mga kabataan nga ginadugukan sang madamu nga tawo sa tanan nga okasyon.
