Isa ka LPA sa guwa sang PAR, posible mangin tropical depression sulod 24 oras — PAGASA

Padayon nga ginabantayan sang PAGASA ang duha ka low pressure area (LPA) sa guwa sang Philippine Area of Responsibility (PAR), kun sa diin ang isa may mataas nga tsansa nga mangin tropical depression sa sulod sang 24 oras.

Base sa ila report, ang isa ka LPA nakita mga 2,595 kilometro sa sidlangan sang northeastern Mindanao kag ginakabig nga may “high chance” nga mag-develop bilang tropical depression.

Samtang ang isa pa gid ka LPA nga yara man sa guwa sang PAR, ginpahayag nga mababa lamang ang posibilidad nga ini magluntad bilang tropical depression sa masunod nga 24 oras.

Padayon nga ginapahanumdom sang PAGASA ang publiko nga magmonitor sang ila mga update bangod posible gihapon nga magbag-o ang sitwasyon sang mga weather disturbance.