ROXAS CITY — Patay na sang nasapwan ang isa ka 22-anyos nga babaye samtang padayon pa nga ginapakita ang iya kaupod nga menor-de-edad matapos malumos sang maabtan sang baha samtang nagapaligo sa Naulan Falls sa Barangay Concepcion, Dumalag, Capiz.
Mapalaron naman nga nakasalbar ang 12 ka iban pa nila nga kaupdanan nga diutayan man magkalalumos.
Ginkilala ang napatay na si Diana Rose Faeldin samtang ginkilala naman ang missing nga si Renato Faigani, 14-anyos, lunsay mga residente sang nasambit man nga barangay.
Base sa impormasyon nga nakuha sang Bombo Radyo, magkaupod nga nagapaligo sa busay ang grupo sang hinali lamang nga nagbaskog ang baha matapos nga nagbubo ang mamunog nga ulan.
Ginapahayag nga naanod ang mga ini sang tubig-baha apang nakatakas ang 12 ka mga persona samtang wala naman makabutwa pa nga buhi si Faeldin kag Faigani.
