Ginkumpirma ni U.S. President Donald Trump nga nagpasugot na ang Israel sa mga kondisyon para 60-days ceasefire sa Gaza, kag ginhatagan-pagtamod sa Hamas nga batunon ang kasugtanan antes maglala ang sitwasyon.
Nagahanda naman si Trump agud makigsapol kay Israeli Prime Minister Benjamin Netanyahu sa White House sa Lunes, Hulyo 7 kun sa diin tinutuyo nga buligan ang duha ka partido nga magkasugot kag kasugtan para sa paghilway sang mga hostage.
Dugang pa ni Trump, ang Qatar kag Egypt ang maga-file sang pinal nga proposal nga ginalauman nga batunon sang Hamas bangud kun indi suno diri pagbatunon posible pa nga maglala ang kinagamo sa rehiyon.
Wala naman gintumod ni Netanyahu ang mga detalye sang iya nga pagbisita sa Washington, magluwas sa trade deal kag isyu sa Iran. Apisar positibo ang pahayag, kaangay may pag-alang-alang sa gihapon ang Hamas sa offer ni Trump nga gintawag niya nga “best and final offer.”
Matandaan nga makaisa na nga bes nga napaslawan ang mga paghinun-anon bangud sa wala nagkasugot ang pareho nga partido sa pagtakop sang giyera bilang kabahin sang ceasefire.
Kadungan sini, nag-angkon sang paghinun-anon si Israeli Minister for Strategic Affairs Ron Dermer sa Washington kaangut sa posible nga ceasefire sa Iran, kag iban pa.
Samtang, masobra 150 mga international humanitarian groups ang nagapanawagan nga untaton na ang kontrobersyal nga sistema sang distiribusyon sang bulig sa Gaza bangud sa giyera kag nagalala nga kalakasan.
Nagpaandam naman si Defense Minister Israel Katz batuk sa missile attack halin sa Yemen, gikan sa Iran-backed Houthi rebels matapos ang 12 ka adlaw nga giyera.
Ginpahayag ni Katz nga mahimo nga atubangon man sang Yemen ang kapalaran sang Tehran.
Samtang, nagpromisa naman ang Houthi nga padayon sila nga magasuporta sa Gaza tubtob indi matapos ang ginahimo nga tikang sang Israel.
