-- ADVERTISEMENT --
ROXAS CITY – Patay na ang Israeli national sang masapwan sang asawa sa ginarentahan nga apartment sa Andrada Subdivision, Barangay Banica, Roxas City.
Ginkilala ang biktima nga si Giora Akavia 58-anyos.
Suno kay PO3 Ronnie Recto, imbestigador sang Roxas City PNP, nagaguwa sa imbestigasyon sang pulisya na may ginasuprer nga sakit nga lung cancer ang biktima.
Posible indi na maagwantahan sang israeli national ang nabatyagan nga sakit, magluwas pa nga naubos na ang ila mga propedad nga napundar bangud sa pagpabulong sini, rason nga nagpanginmatay na lamang ini.
Nahibaluan nga kaupod nga nagaestar sa balay sang biktima ang asawa nga Capizeña nga si Ma. Melanie Catalan Akavia kag ang walo ka tuig nga anak.
-- ADVERTISEMENT --
