Ginalauman sang House Committee on Justice ang pag-file sang petisyon agud mapauntat ang impeachment process batok kay Vice President Sara Duterte.
Ini matapos nagpasaka sang temporary restraining order (TRO) si Atty. Israelito Torreon, sa Korte Suprema kahapon, Marso 27 para sa komitiba nga untaton ang impeachment proceedings.
Suno kay House Committee on Justice Vice Chairperson Representative Ysabel Zamora, madugay na ini nga ginhanda antes pa man ang una nga impeachment hearing.
Ginpanindugan sang mamalidha nga masobra 100 ka pahina ang kalabaon sang petisyon, gani paano ini maporma sa pila lang ka adlaw.
Gindepensahan man sang mamalidha ang iya kaugalingon sa pagkwestyon sa pagsulundan sang Kamara kag Justice Committee.
Pahayag ni Zamora, ginasunod lang nila ang ila katungdanan suno sa Konstitusyon kag base sa probisyon sang desisyon sang Korte Suprema sa kaso ni Duterte.
Nagapati man si Zamora nga isa man ka abogado nga indi matabo ang constitutional crisis bangud nagalaum ini nga “judiciously” ang desisyon sang Korte Suprema.
