Posible nga makahampang sanday Justine Brownlee kag Jordan Clarkson para sa Gilas Pilipinas sa palaabuton nga 2026 Asian Games sa Aichi-Nagoya, Japan.
Gin-abi-abi ni Brownlee ang ideya sang pagbalik ni Clarkson sa national team, kag ginhatagan pagtamod ang bulig nga mahatag sang NBA veteran.
Sang damlag lang ginpakita ni Clarkson ang iya pagkabukas nga maghampang liwat para sa Gilas, isa ka butang nga naghatag sang paglaum sa mas mabakod nga roster sang Pilipinas sa continental tournament.
Dugang pa ni Brownlee, ang presensya ni Clarkson indi lang isa ka indibidwal nga score, kundi isa ka tumalagsahon nga talento nga madala ang bug-os nga team.
Matandaan ang ang Gilas naghalin sa isa ka makasaysayan nga Gold medal finish sa 2023 Asian Games sa Hangzhou, kag padayon nga nagahanda para sa masunod nga international competition, lakip ang malawig nga katuyuan nga makasulod sa Olympics.
