Gindumdom sang Police Regional Office-1 sa Ilocos ang mga kabayanihan nga ginhimo sang SAF 44 sa Day of National Remembrance sang Sabado, Enero 25.
Ginhiwat ang seremonya sa kampo sang pulisya sa Ilocos bilang pagdumdom sa ila sakripisyo para sa kahilwayan.
Ginpahayag ni Police Brig. Gen. Lou F. Evangelista, hepe sang pulisya sa Ilocos, ang iya pakiramay sa mga pamilya sang SAF 44. Gintalupangod man sini ang mga importansya sang kaisog, katapatan, kag wala sang untat pagtuman sa ila responsibilidad.
Ginganyat ni Evangelista ang tanan nga idumdom ang mga ideyal nga pagpakita sang kabayanihan kag pagtinguha sang mga ini para sa isa ka mas malinong kag safe nga buwas damlag.
Ang tema sang pagdumdom, “Courage Beyond Measure: Remembering the Sacrifice of the SAF 44 for Peace for this Year.”
