Dalayon na nga wala ginlakip sang Gilas Pilipinas sa lineup si Kai Sotto para sa third window sang FIBA Asia Cup 2025 sa Agosto.
Suno kay Gilas coach Tim Cone, nga posible magdugay pa sang isa ka tuig ang pag-ayo ni Sotto sa iya torn ACL sa tuhod rason nga imposible nga makaupod siya sa torneo nga pagahiwaton sa Saudi Arabia.
Bangud diri, target nila nga makaupod si Sotto sa World Cup qualifiers sa masunod nga tuig.
Bangud sini, nagalaum si Cone nga mangin madinalag-on ang pagahimuon nga operasyon ni Sotto sa Pebrero.
Bilang kabaylo sang 7-foot-2 nga si Sotto amu si Troy Rosario nga magahampang na sa Asia Cup Finals Qualifiers sa masunod nga bulan.
Makaatubang sang Gilas ang Taiwan subong man ang New Zealand.
Matandaan nga naangkon ni Sotto ang iya injury sa paghampang sini niya sa Japan B. League sadtong Enero.
