ROXAS CITY – Ginapanindugan sang live-in partner sang nalumos kag napatay nga ginang nga ang kakulang sang early warning device ang rason sang pagka-aksidente sang ila ginasakyan nga tricycle sa Barangay Tapulang, Maayon, Capiz.
Aminado si Mark Cacatian, bana sang napatay nga si Joanne Belvis nga nakainum ini samtang nagamaneho sang tricycle kaupod ang asawa.
Apang wala sini natalupangdan ang kurbadahon ang porsyon sang dalan bangud wala sang streetlights sa lugar.
Bangud diri, aksidente nga nagbunggo ang tricycle sa railings sang tulay kag nagtabog ang mga biktima sa suba.
Matapos ang aksidente natalupangdan na lamang ni Cacatian nga wala na ang iya asawa rason nga madasig niya ini ginpangita sa suba samtang nagapangayo sang tabang.
Samtang suno naman kay Firskie Joy Sogillo, manghod sang napatay nga si Belvis nga wala sila sang plano nga pasakaan sang panumbungon ang iya bayaw bangud aksidente lamang ang natabo.
Matandaan nga may duha ka mga anak ang biktima sa diin naga-edad sang anum ka tuig ang subang samtang tatlo ka tuig naman ang hinipo.
Nahibaluan nga ginbilin lamang nila ang ila duha ka anak sa ila himata bangud sa ila transaksyon sa ila negosyo.
