Preparado na ang House of Representatives para sa ika-apat nga State of the Nation Address (SONA) ni Presidente Ferdinand Marcos Jr.
Suno kay House spokesperson Princess Abante, yara na sa 90 tubtob 95 porsyento ang ila nga kahandaan.
Kadam-an sa mga preparasyon ang naisapinal na kag magapatigayon pa sa pila ka mga paghinun-anon sa mga opisyal nagikan sa Senado, House kag sa Malacanang.
May mga adjustment na sila nga gina-ayos subong man ang contingencies pananglitan may magluntad nga mga aberya.
Wala pa naman sang may naistorayahan kun ang pagtililipon madayon ukon indi bangud sang malain nga tyempo.
Natalana nga patigayunon ang ika-apat nga State of the Nation Address (SONA) ni Presidente Marcos sa maabot nga Hulyo 28 kadungan man sang pagbukas sang ika-20th congress.
