Gin-isol sang Kamara ang pagbaton sang mga articles of impeachment batok kay Vice President Sara Duterte nga ginbalik sang Senado.
Sa isa ka plenary session, gin-aprubahan sang Kamara ang mosyon nga gin-file ni House Deputy Majority Leader Faustino “Inno” Dy V sang Isabela agud hulaton ang mga sabat sa mga clarificatory questions halin sa House prosecution panel.
Suno sa ila, indi maathag kun ngaa ginbalik sa ila ang mga reklamo sa impeachment.
Para diri, kinahanglan nga magsumiter sila sang duha ka mga dokumento kaangay sang sertipikasyon nga ginsunod sang Kamara ang constitutional requirements sa pagsulong sang verified complaints batok kay Duterte.
Kinahanglan man nga magsumiter sila sang resolusyon gikan sa House of the 20th Congress nga nagapasiguro nga ila padayunon ang kaso sa nasambit nga reklamo.
Ginklaro ni Batangas Rep. Gerville Luistro nga indi abuse of process ang nasambit nga lihok.
